insan hi insan ka dushman ho raha hai

Aye akash dekh zami par kya ho raha hai,
insaan hi insaan ka dushman ho raha hai.

koi paise, to koi zameen ke liye jhagad raha hai,
manav hi manav ke khoon ka pyasa ho raha hai.

naa kisi ko chain yahan , or naa bharosa kisi par,
aadmi insaniyat bhool yahan haiwan ho raha hai.

roz jhooth such, or such jhooth ho raha hai,
insaan abhaga apno se hi door ho raha hai.

baton hi baton me jaan ke soude hote hain yahan,
naa jaane kitno hi ke khoon roz hote hain yahan.

aaj aadmi hi yahan bhagwan ho raha hai,
apne hi ghamannd me choor ho raha hai.

aye 'Akash' dekh zami par kya ho raha hai
insan hi insan ka yahan dushman ho raha hai.
ShikharAkash